Maxachev Oliveyrani qo'rqoqlikda aybladi

CHarlz Oliveyra Maxachevni Braziliyada jang qilishdan bosh tortganligi uchun tanqid qilgan edi.

"Jang o'tkazishni taklif qilishganda, qaerda bo'lishi muhim emasligini aytganman. Braziliyaga otda borishimni malum qildim. UFCʼga jang qachon va qaerda bo'lishi men uchun ahamiyatsiz ekanini aytdim. CHempionlik kamari uchun jang qilmoqchiman.

Bu yigit shunchaki qochishga harakat qilmoqda. U Makgregor va Neyt Diaz bilan jang qilmoqchi ekanligini aytdi. Men Braziliyada, Abu-Dabida, umuman istalgan joyda jang qilishga tayyor bo'lganimda, u oson jang o'tkazish haqida o'ylagan.

Agar bu jang chempionlik kamari uchun bo'lsa, qaerda bo'lishi muhim emas. Baribir unga o'z uyidagi arena ham yordam bermaydi.

Oktagon ichida unga kim yordam beradi? Menga farqi yo'q. Agar bu uning uchun muhim bo'lsa, unda CHarlzda katta muammolar bo'ladi. CHunki hamyurtlarim Abu-Dabidagi arenada bo'ladi va meni qo'llab-quvvatlaydi", — dedi Maxachev.

Maxachev va Oliveyra o'rtasidagi jang 22 oktyabr kuni Abu-Dabida, UFC 280 turniri bo'lib o'tadi.