26 авг 07:32
Янгиликлар
Чарльз Оливейра Ислам Махачевни ёлғончиликда айблади
Унинг айтишича, Ислам Оливейра билан Бразилияда жанг ўтказишга ваъда бериб, сўзида турмаган.
"Менинг ким билан жанг қилишимни ҳамма билар эди. Махачев билан жанг бўлади деб сира ўйламагандим. Улар сен ва камар учун ҳам Бразилияга борамиз деб ваъда беришди. Якунда эса сўзларида туришмади. Мен бу жангни Риода ўтказишни сўрагандим. Махачев ва унинг жамоаси сўзида турганида, жанг январь ойида Бразилияда ўтказилган бўлар эди. Охир оқибат улар ўзлари истаган манзилда жанг ўтказиш имкониятига эга бўлдилар. Майли, бунинг қўрқинчли жойи йўқ. Октагон дунёнинг исталган бурчагида ҳам бир хил. Мен белгиланган санага юз фоиз тайёр бўламан", - деди Оливейра.
Эслатиб ўтамиз, Чарльз Оливейра ва Ислам Махачев ўртасидаги чемпионлик жанги 22 октябрь куни БАА пойтахти Абу-Даби шаҳрида ташкил этиладиган UFC 280 турнири доирасида бўлиб ўтади.
Фикрлар