Maxachevning murabbiyi qanday holatda Topuriya bilan jang bo'lishi mumkinligini aytdi

"Topuriya va Maxachev o'rtasidagi jang — bu hozirgi paytda UFCdagi eng asosiy jang hisoblanadi. Avval bunday jang sifatida Jons — Aspinall qarama-qarshiligi ko'rsatilgan edi. Ammo agar Islam keyingi jangini yutsa, undan so'ng Topuriya bilan to'qnash keladi.

Topuriya o'zining Islamga qarshi ehtimoliy jangini qanday targ'ib qilayotgani menga yoqmoqda. Bu orqali u ko'pchilikning etiborini tortmoqda. U qanchalik ko'p "tresh-tok" qilsa, shunchalik ko'proq muxlislar ushbu jangni ko'rishni xohlaydi. SHu bilan birga, Topuriyaning jangchi sifatida qilayotgan ishlari ham faxrlanishga arziydi. U juda kuchli va vazn tushirish bilan muammosi yo'q.

Unga qarshi jang — Islam uchun ajoyib imkoniyat. Maxachevning asosiy maqsadi — yarim o'rta vazndagi (77 kg) chempionlik kamarini qo'lga kiritish. Agar u bu kamarni olsa, undan keyin yoki biz engil vaznga tushamiz, yoki Topuriya yuqoriga chiqadi. Ammo UFC bularning hech biridan manfaatdor bo'lmasa, bu ro'y bermaydi. Eng avvalo, biz navbatdagi jangda g'alaba qozonishimiz kerak", — dedi Mendes Bloody Elbow nashriga.