20 mar 14:43
Yangiliklar

Boks/MMA

"Mening o'ljam. Qolgan hech kim aralashmasin". Xamzat CHimaev raqibini aniqlab oldi

Asli kelib chiqishi chechenistonlik bo'lgan Xamzat CHimaev o'zining ijtimoiy tarmoqdagi sahifalariga yangi post joyladi.

Unda shveciyalik jangchi britaniyalik chempion Leon Edvardsga qarshi oktagonga chiqish istagini bildirgan.

"Mening o'ljam. Qolgan hech kim aralashmasin", — deya xabarda Edvardsni belgilagan CHimaev.

Eslatib o'tamiz, Leon Edvards so'nggi jangida sobiq chempion Kamaru Usmanni ikkinchi marotaba mag'lubiyatga uchratib, o'z kamarini muvaffaqiyatli himoya qilgan edi. Besh raund to'liq davom etgan jangda Leon 48-46, 48-46, 47-47 hisoblarida nomdor raqibidan ustun kelgandi.

Xamzat CHimaev esa so'nggi jangini o'tgan yilning sentyabr oyida AQSH vakili Kevin Xollandga qarshi o'tkazib, raqibini birinchi raundning o'zida bo'g'ib qo'ygan edi.