Merab Dvalishvili 50 yoshgacha jang qilmoqchi ekanligini aytdi

"Mening maqsadim – 50 yoshgacha jang qilish. Albatta, shuncha vaqt chempion bo'lib qolishga umid qilaman, ammo rostini aytsam, bu imkonsiz. Hozir men 34 yoshdaman. 16 yil davomida chempion bo'lib qolish – amalga oshmaydigan ish", – dedi UFC chempioni.

Avvalroq Dvalishvili yil oxiriga qadar yana ikki jang o'tkazishni xohlayotganini aytgandi. Oktyabrda u Kori Sendxagenga qarshi kamarni himoya qiladi, dekabrda esa Pyotr Yan bilan jang qilishni maqsad qilgan.