Mo'g'ulistonga mag'lub bo'ldik, endi Osiyo chempionatining bronza medali uchun kurashamiz

Ilias Iliadis murabbiyligidagi O'zbekiston terma jamoasi 1/4 finalda turkmanistonlik dzyudochilarni 4:1 hisobida mag'lub etgandi. Afsuski, hozirgina yakuniga etgan 1/2 finalda hamyurtlarimiz Mo'g'uliston terma jamoasiga 3:4 hisobida imkoniyatni boy berib qo'yishdi. 

SHahram Ahadov, SHohista Nazarova, Alisher Yusupov raqiblarini mag'lub etishdi. Rinata Ilmatova, Nurbek Murtazoev va SHukurjon Aminova raqiblariga yutqazishdi. Hisob 3:3 ko'rinishiga keldi. G'olib nomini aniqlab berish uchun qura tashlandi. Qura -57 kg vaznni chiqardi. SHukurjon Aminova yana o'sha mo'g'ul raqibasiga yutqazdi. 

SHu tariqa, Mo'g'ulistoni terma jamoasi 4:3 hisobida g'alaba qozonib, Osiyo chempionatining finaliga yo'l oldi. Finaldagi raqib - Yaponiya! O'zbekiston terma jamoasi esa kechki dasturda Koreya Respublikasi dzyudochilariga qarshi bronza medali uchun tatamiga chiqadi.