09 apr 11:53
Yangiliklar

Sport kurashlari

Mo'minjon Abdullaevda uchinchi g'alaba va u 1/2 finalda!

Qozog'istonning Olmaota shahrida sport kurashlari (erkin, yunon-rum va ayollar kurashi) bo'yicha Tokio Olimpiadasiga Osiyo licenzion turnir bo'lib o'tmoqda.

Hozirgina yunon-rum kurashchimiz Mo'minjon Abdullaev guruh bosqichidagi uchinchi g'alabasiga erishdi. 130 kg vazndagi yunon-rum kurashchimiz ilk bellashuvda hindistonlik Navin Navinni 9-0, keyin qirg'izistonlik Roman Kim 4-0 hisobida mag'lub etgandi. Biroz avval Abdullaev guruhning so'nggi uchinchi bellashuvida yaponiyalik Arata Sonodadan 9-0 hisobida ustun keldi.

Uchta bahsda yuz foizlik natija qayd etgan Mo'minjon Abdullaev guruh g'olibi sifatida yarim finalga yo'l oldi. Uning raqibi ikkinchi guruhda ikkinchi o'rinni egallagan kurashchi bo'ladi. Yarim finalda g'alaba qozongan kurashchiga Tokio Olimpiadasi licenziyasi taqdim etiladi.