MOQ prezidenti xalqaro mashg'ulot yig'iniga tashrif buyurdi

To'g'ri, hali yig'inga taklif etilgan terma jamoalar to'liq Toshkentga kelib ulgurishmadi. SHunday bo'lsa-da,  dzyudochilarimiz bilan birga Qirg'iziston va Gruziya terma jamoalari ham mashg'ulotlarga kirishishdi. 

O'zbekiston Milliy olimpiya qo'mitasi prezidenti Rustam SHoabdurahmonov Dzyudo markazida bevosita mashg'ulotlarni kuzatdi. Rustam Mavzurovich murabbiylar va dzyudochilarimiz bilan suhbatga kirishar ekan, Olimpiadada ularga katta ishonch bildirilayotgani, davlatimiz tomonidan buning uchun barcha sharoitlar yaratib berilayotgani, bunga javoban Tokiodan medallar bilan qaytish kerakligini urg'uladi. Mehmon dzyudochilarga esa taklifga labbay deb javob berib, Toshkentga kelganliklari uchun minnatdorlik izhor qildi. 

Malumot uchun, bugun Misr terma jamoasi katta delegaciya bilan yurtimizga etib keladi. Reja bo'yicha ertadan to'liq tarkibda xalqaro o'quv-mashg'ulot yig'ini davom ettiriladi.