MOQ qabul imtixonlarini jiddiy nazoratga oladi

Unda O'zbekiston Milliy olimpiya qo'mitasi Bosh kotibi Jasur Matchanov, O'zbekiston Jismoniy tarbiya va sport vazirligi boshqarma boshlig'i Nazirjon Xudoyqulovlar ishtirok etishdi. Tadbirda Toshkent viloyati prokurori o'rinbosari hamda CHirchiq shahar prokurori ham qatnashishdi. 

Malumki, ayni paytda respublikamizdagi oliy talim muassasalariga o'quv yili yakuniga etib bormoqda va qabul jarayonlariga tayyorgarlik qizg'in pallaga kirgan. Anjumanning ayni shu paytda tashkil etilganida ham o'ziga yarasha mantiq bor. Zero, Milliy olimpiya qo'mitasi yuritayotgan siyosatga ko'ra sport o'quv yurtlariga qabul jarayonlari shaffoflik va holislik bilan o'tishi, turli nohaqliklardan holi bo'lishi lozim. Uchrashuvda ana shu masalalar yuzasidan fikr almashildi, tushuntirishlar berildi. 

Tadbirda qatnashgan MOQ Bosh kotib Jasur Matchanov ham Jismoniy tarbiya va sport universiteti, Olimpiya zaxiralari sport kollejlarida bu yilgi qabul jarayonlarini shaffoflik bilan tashkil etish, turli qing'irliklarga yo'l qo'yilmasligi uchun Milliy olimpiya qo'mitasi tomonidan kerakli ishlar amalga oshirilishini qayd etib o'tdi. Unga ko'ra MOQ, vazirlik va sport federaciyalari masul xodimlari qabul jarayonlarida bevosita ishtirok etadilar. Bu ham albatta qabul jarayonida shaffoflikni taminlash, malum darajada korrupciyani oldini olish imkonini beradi. 

Yig'ilishdan so'ng shu erning o'zida universitetning kafedra mudirlari, masul xodimlari bilan alohida gaplashib olindi. Qabul jarayonida yo'l qo'yiladigan nohaqliklar kechirilmasligi uqtirildi. Bu borada yuzaga kelgan turli holatlar misol tariqasida keltirib o'tildi. 

O'z navbatida halol va sidqidildan faoliyat ko'rsatayotgan ustozlarni rag'batlantirish maqsadida, davlatimiz rahbarining topshirig'iga asosan Moliya vazirligi bilan hamkorlikda professor-o'qituvchilar va ilmiy-xodimlar maoshlarining oshirilishi bo'yicha Vazirlar Mahkamasiga qaror loyihasi tayyorlanayotganligi malum qilindi.