MOQ rahbariyati O'zbekiston taekvondo WT associaciyasida bo'ldi

O'zbekiston Milliy olimpiya qo'mitasi rahbariyatining olimpiya sport turlarini o'rganish rejasiga muvofiq tashrifining navbatdagi manzili O'zbekiston taekvondo WT associaciyasi bo'ldi.

Uchrashuvda MOQ raisi R.SHoabdurahmonov, qo'mita raisi o'rinbosari v.b, O'zbekiston taekvondo WT associaciyasi raisi SH.Tashmatov hamda murabbiy va sportchilar o'rtasida kechgan suhbatda nafaqat yo'llanmalar sonini oshirish, balki Olimpiadadan medallar bilan qaytib kelish masalasiga alohida urg'u berildi.

Xabaringiz bor, kuni kecha poytaxtimizdagi “Universal” sport saroyida kattalar o'rtasida kyorugi, pumse va para-taekvondo bo'yicha O'zbekiston chempionatida zo'r muvaffaqiyat bilan o'tkazildi. Mazkur turnir pandemiya sabab mavsumning uzoq davom etgan tanaffusidan keyingi ilk musobaqasi bo'ldi. Barcha taekvondo ustalari bellashuvlar muhitini sog'inib qolgani sezilib turdi. 

Kutilganidek, jahon reytingida munosib o'rin egallaydigan Nikita Rafalovich, Dmitriy SHokin, Svetlana Osipova, Nigora Tursunqulova kabi sportchilar o'z vazn toifalarida g'oliblikni qo'lga kiritishdi. O'z navbatida, ushbu sportchilar Kunchiqar yurtda o'tadigan O'yinlarda medallarga davogarlik qila olishadi.

Uchrashuvdan maqsad faqat yaqin kelajakdagi natijalar emas, balki Xanchjou-2022 Osiyo va Pekin-2024 Olimpiya o'yinlarida ham munosib ishtirok etish, buning uchun bugundanoq ishni to'g'ri tashkil etish, aniq chora-tadbirlar asosida mashg'ulotlarni olib borish kerakligi takidlandi.

O'zaro ochiq va samimiy ruhda kechgan suhbatda echimini kutayotgan muammolar va kamchiliklar haqida ham ro'y-rost aytildi. MOQ va O'zbekiston taekvondo WT associaciyasi tomonidan murabbiylar va sportchilarni har tomonlama qo'llab-quvvatlashga kelishib olindi.