MOQ raisi o'rinbosari marafon yo'nalishini rivojlantirishda Keniya tajribasi bilan tanishdi

MOQ raisi o'rinbosari SHerzod Tashmatov boshchiligidagi ishchi guruh engil atletikaning marafon yugurish dasturi bo'yicha O'zbekiston terma jamoasi azolarining Iten shahrida (Keniya) olib borayotgan xalqaro o'quv-mashg'ulot yig'iniga tashrif buyurib, ular uchun yaratilgan sharoitlarni o'rgandi.

Malumki, afrikalik uzoq masofaga yuguruvchilar, xususan, keniyaliklar jahonda eng kuchlilar qatorida etirof etiladi. Keniyalik yuguruvchilarning barchasi Iten shahrida shug'ullanishadi. Qayd etish joiz, sportchilarimiz o'tgan yili ushbu shaharda dastlabki yig'inda ishtirok etishgan edi.

SHundan keyin ularning xalqaro maydondagi natijalari sezilarli darajada o'sdi. SHu bois, ishchi guruh marafonchilarimizni bir necha bosqichli yig'inda qatnashish uchun yana Iten shahriga jo'natishga qaror qildi.

Hamyurtlarimiz bilan bir vaqtda Franciya, Mo'g'uliston, Yaponiya, Ukraina, Italiya, Efiopiya, Eritreya kabi mamlakatlardan tashrif buyurgan nomdor sportchilar shug'ullanishmoqda. SHerzod Tashmatov atletlarimiz bilan uchrashib, ularning kunlik dasturi, ovqatlanish racioni haqida suhbatlashdi. Bunga javoban, marafonchilarimiz davlatimiz tomonidan yaratib berilayotgan bunday sharoitlar uchun minnatdorchilik bildirdilar.

SHuningdek, sportchilarimizni shug'ullantirayotgan xalqaro ekspert bilan ularning imkoniyatlari, yangi rejalar haqida fikr almashildi. Tashrif davomida uzoq masofaga yugurish borasida Keniya tajribasini o'rganish va uni amalda tadbiq etish masalasi ham ko'rib chiqilmoqda.