MPL'ning Saidyoqub Qahramonov bilan shartnomasi o'z kuchidami?

- Bir necha oy avval Saidyoqub Qahramonov bilan shartnoma imzolangan edi. Qahramonovni MPL 8 musobaqasida ko'ramizmi?

- SHartnoma o'z kuchida. Lekin bilmayman MPL 8 yoki MPL 9 turnirida jang qiladi. Liga buni kelishib bo'lgan. Agar Qahramonov boshqa ligada urishaman, desa ham unga boshqa ligada jang qilishga ruxsat berilgan. UFC shartnoma bersa, UFC'da ham urishaveradi. Lekin O'zbekistonda, Osiyo bo'yicha biz bilan shartnomasi amal qiladi, yani bizda jang qiladi. Bu aniq. SHuning uchun ham, biz Samarqandga musobaqa qilish uchun borgan edik. Ayrim sabablarga ko'ra, musobaqamiz qoldirildi.

Avvalroq, may oyi oxirida Samarqand shahrida MPL 8 musobaqasi o'tkazilishi va uning markaziy jangida Saidyoqub Qahramonov oktagonga ko'tarilishi haqida aytilgan edi.