Mudofaa vaziri o'rinbosari jahon chempionatiga tayyorgarlik ko'rayotgan dzyudochilarimiz bilan uchrashdi

SHu kunlarda bo'lajak nufuzli musobaqada ishtirok etuvchi terma jamoamiz azolari poytaxtda o'quv-mashg'ulot yig'iniga zo'r berishgan. Kecha O'zbekiston Respublikasi Mudofaa vaziri o'rinbosari, mamlakat dzyudo federaciyasi raisi o'rinbosari Alisher Narbaev dzyudochilarimizning tayyorgarligini bevosita kuzatish uchun mashg'ulotga keldi.

Vazir o'rinbosari dzyudochilar bilan suhbatlashar ekan, jahon chempionatining bevosita yurtimiz mezbonligida o'tishi nafaqat sportchilar, balki murabbiylar va masullarga ham katta masuliyat yuklashini, buni esa har bir dzyudochi dildan his qilishi kerakligini urg'uladi...