Muhammad Mokaev Brave CF ligasidagi gonorarni oshkor qildi

Uning takidlashicha, ligadagi gonorari UFC’ning amaldagi chempioni, har bir jang uchun taxminan 500 ming dollar oladigan Aleksandr Pantojanikidan kam emas.

"Taxminan shuncha, yarim million dollar. UFC bilan shartnomamni uzaytirishmaganida, Brave CF menga "Sen umuman qayg'urma, biz senga ko'proq beramiz" deyishgandi. Rostini aytsam, men hatto Brave CF bilan biror marta shartnomani ko'rmaganman - ular menga sanani, vaznni aytishadi, men turnirga kelaman va hokazo. SHartnomamiz shunchaki og'zaki. Hech qachon hech qanday hujjatga imzo chekmaganmiz. Ammo menga pul topishdan ko'ra UFC kamari qiziqroq. Hozircha mening maqsadim - ushbu divizionda eng yaxshi ekanligimni isbotlash", - dedi Mokaev "Ushatayka" kanaliga bergan intervyusida.

Avvalroq, britaniyalik mag'lubiyat nimaligini bilmay kelayotgan aralash yakkakurash ustasi Kamil Gadjiev bilan suhbatda kelasi hafta Qatarda bo'lib o'tadigan UFC turniriga tashrif buyurishi va u erda dunyoning eng kuchli ligasi rahbariyati bilan uchrashuv o'tkazishini malum qilgandi.

O'tgan hafta oxirida asli kelib chiqishi dog'istonlik bo'lgan Mokaev ikkinchi raundda irlandiyalik Jerard Bernsni nokautga uchratib, eng engil vazn toifasida vakant bo'lgan Brave CF chempionlik kamarini qo'lga kiritgandi.