Muhammadkarim va Nigorani tabriklaymiz!

Muhammadkarim Hurramov - 1997 yilning 4 aprel kuni Surxondaryo viloyatida tavallud topgan. Yani, polvonlar yurtidan! Dzyudo sport turini tanlashi tasodif emas. Vohaning aksariyat o'g'lonlari yo kurashchi, yoki dzyudochi bo'lishadi.  Muhammadkarimda ham xuddi shunday holat kuzatildi. U olimpiya o'yinlari oilasiga mansub dzyudoni tanladi.  

Bugun 24 yoshga to'lgan dzyudochimiz o'tgan yili Germaniyaning Dyusseldorf shahrida o'tkazilgan "Katta Dubulg'a" turkumiga kiruvchi turnirda barcha raqiblarini mag'lubiyatga uchratib, oltin medal sohibiga aylangandi. 

SHuningdek, bugun taekvondo bo'yicha O'zbekiston terma jamoasi azosi Nigora Tursunqulovaning ham tug'ilgan kuni. 2018 yil Xoshiminda o'tgan Osiyo chempionatida oltin, 2018 yil Butunjahon armiya o'yinlarida kumush medalni qo'lga kiritgan, 2016 yilgi Olimpiadada ishtirok etgan Nigora Tursunqulova 22 yoshga to'ldi.

Fursatdan foydalanib, har ikki sportchimizni bugungi tavallud ayyom bilan chin qalbdan muborakbod etamiz. Ularga sihat-salomatlik, uzoq umr, oila azolari baxtiga hamisha sog' bo'lib yurishlarini tilaymiz. Sportchilik faoliyatlarida esa Olimpiada medalini qo'lga kiritishlariga tilakdoshmiz va bunga ishonamiz!