Muhammadkarim Xurramov va Nigora Tursunqulovani tabriklaymiz!

Dzyudochimiz Muhammadkarim Xurramov 1997 yil 4 aprel kuni Surxondaryo viloyatida tavallud topgan. Yoshlar o'rtasida Osiyo chempionati g'olib va sovrindori, Dyusseldorf “Katta dubulg'a” turnirining oltin medal sohibi. Polvonimiz -100 kg vazn toifasida Tokio-2020 Olimpiya o'yinlarida ishtirok etgan.

Nigora Tursunqulova 1999 yil 4 aprel kuni Jizzax viloyatida tug'ilgan. Taekvondochimiz 2018 yil Indoneziyada o'tgan Osiyo o'yinlarida bronza va Vetnamdagi Osiyo chempionatining oltin medal sohibi hisoblanadi. SHuningdek, 2019 yil CHiba (Yaponiya) Gran-prisi hamda Usi (Xitoy) shaharida o'tgan “Katta dubulg'a” (saralash) musobaqasida bronza medalini qo'lga kiritgan. Rio-2016 va Tokio-2020 Olimpiya o'yinlari ishtirokchisi, “Zulfiya” nomidagi davlat mukofoti sohibi.

Fursatdan foydalanib, har ikki sportchimizni bugungi tavallud ayyomlari bilan tabriklab, ularga mustahkam sog'lik va ulkan g'alabalar tilaymiz.