23 iyu 11:00
Yangiliklar

Boks/MMA

Muhiddin Mamajonov dunyoning etakchi MMA ligalarining biri bilan shartnoma imzolashga yaqin

Yarim o'rta vazn toifasida o'zbekistonlik MMA jangchisi Muhiddin Mamajonov (4-0) faoliyatini xorij ligasida davom ettirishi mumkin.

Bu haqda uning murabbiyi Jasur Alijonov Olamsport.com saytiga bergan intervyusida malum qildi. "Jasco Coach"ning so'zlariga ko'ra, Mamajonovning Singapurning ONE FC ligasi bilan shartnoma imzolash ehtimoli yuqori. Ayni paytda jangchimizga shartnoma yuborilgan.

Bugungi kunda One Championship'dagi MMAchilarimiz soni bir nafarni tashkil etadi, u Muradov Legion Team'ning boshqa bir azosi - Jasur Mirzamuhammedovdir.

Eslatib o'tamiz, Muhiddin Mamajonov hozirgacha to'rtta jang o'tkazib, ularning barchasida muddatidan oldin g'alaba qozongan.

Jasur Alijonov bilan intervyuni tez orada Olamsportcom YouTube kanalida tomosha qilishingiz mumkin bo'ladi!