Muhtasham “Universal” sport majmuasida ilk turnir o'tkaziladi

Unda Qoraqalpog'iston Respublikasi, viloyatlar va Toshkent shahridan 300 nafardan ortiq o'smir-qiz 10ta vazn toifasida dayanga tushadilar.

O'zbekiston Respublikasining Birinchi Prezidenti Islom Karimov va hukumatimiz rahbariyati tomonidan yurtimizda jismoniy tarbiya va sportni rivojlantirishga juda katta etibor qaratilgan va bu jarayon izchillik bilan davom etmoqda. Mamlakatimizda bir-birini takrorlamaydigan, zamonaviy andozalarga to'la mos keladigan muhtasham sport inshootlari qad rostlayotgani natijasida ommaviy tarzda shug'ullanuvchilar soni ham ortyapti. Bugungi kunda poytaxtimizning ko'rkiga aylangan “Universal” sport majmuasi buning yaqqol namunasidir.

SHu qatorda taekvondo WTF yurtimizda tobora ommalashib bormoqda. Sportchilarimizning xalqaro arenalardagi yutuqlari, Osiyo o'yinlari, jahon chempionatlarida qo'lga kiritgan muvaffaqiyatlarini alohida takidlash kerak. Ayni paytda mamlakatimizda minglab o'g'il-qiz sharq yakkakurashining ushbu turini tanlashgani ham bejiz emas.

Elchi sovrini uchun o'tkaziladigan musobaqada mashhur Kukkivon akademiyasi tarbiyalanuvchilarining ham chiqishlari rejalashtirilgan.

G'olib va sovrindorlar nomi 15 oktyabr kuni malum bo'ladi.