15 okt 15:25
Yangiliklar
![](/upload/storage/46850_220.jpg)
Murod Xonto'raev ozodlikka chiqarildi
O'zbekiston Respublikasi Oliy sudi rasmiy vakili Aziz Obidovning Kun.uz’ga malum qilishicha, mazkur jinoiy ish sudya Temur Qosimov raisligida ko'rib chiqildi.
Sud jinoyat ishi materiallarini har tomonlama va to'liq o'rganib, M.Xonto'raevni, D.Vahobovni O'zbekiston Respublikasi Jinoyat kodeksining 277-moddasi (“Bezorilik”) 3 qismi “a” bandi, I.Parpievni O'zbekiston Respublikasi Jinoyat kodeksining 168-moddasi (“Firibgarlik”) 1 qismi va 277-moddasi (“Bezorilik”) 2 qismi “a”, “b”, “v” bandlarida ko'zda tutilgan jinoyatlarni sodir etishda aybdor deb topdi.
Sud O'zbekiston Respublikasi Konstituciyasi va jinoyat qonunchiligida o'zining teran ifodasini topgan insonparvarlik, bag'rikenglik va adolat tamoyillaridan kelib chiqib, sudlanuvchilarga jazo tayinladi.
Jinoyat ishlari bo'yicha Yakkasaroy tuman sudi M.Xonto'raevga eng kam oylik ish haqining 94 barobari miqdorida jarima jazosi, D.Vahobovga 3 yil 8 kun muddatga ozodlikni cheklash jazosi, I.Parpievga oylik ish haqidan 20 foiz davlat foydasiga ushlab qolgan xolda 2 yil 1 oy 24 kun muddatga ahloq tuzatish ishlari jazosi tayinladi.
Sudlanuvchilarga jazo tayinlashda ular istiqomat qiluvchi mahalla fuqarolar yig'inlari tomonidan taqdim etilgan o'z kafilligiga olish haqidagi xatlari inobatga olindi.
SHuningdek, sud tomonidan sudlanuvchilarga va boshqa tomonlarga hukm ustidan shikoyat qilish tartibi va muddati tushuntirildi.
Eslatib o'tamiz, avvalroq Murod Xonto'raev bir qator shaxslar bilan birgalikda 21 iyunga o'tar kechasi Yunusoboddagi tungi klublardan birida «jamoat joyida yurish-turish qoidalarini buzgan, tartibsizlik qilgani» haqida xabar berilgandi.
Uning o'zi tan jarohati (ko'kragiga pichoq bilan zarba berilgan) bilan Yunusoboddagi 7-kasalxona (sobiq 17-shahar kasalxonasi)ga yotqizilgan, keyingi kuni miliciya tomonidan olib ketilgan.
Malumot uchun, Xonto'raev 1987 yilda Toshkent shahrida tug'ilgan. Ayni paytda u Toshkent shahridagi G. V. Plexanov nomidagi Rossiya iqtisodiyot universiteti filialining 3-kurs talabasi. Oilali va ikki nafar farzandi ham bor.
Fikrlar