Murodjon Ahmadaliev AQSHga jo'nab ketdi + FOTO

Ahmadaliev katta ehtimol bilan navbatdagi jangini IBF yo'nalishi bo'yicha majburiy davogar, filippinlik Marlon Tapalesga qarshi o'tkazadi. Lekin bu hali tasdiqlanmagan malumot. 

"Qo'limdan olgan jarohatim hozir ancha yaxshi. Xudo xohlasa, asta-sekin mashg'ulotlarni boshlab, keyingi jangga tayyorgarlikni boshlayman. Navbatdagi jangimning aniq sanasini hozir ayta olmayman. Lekin jang bahorda bo'lib o'tadi", - deya yaqinda saytimizga intervyu bergan edi Ahmadaliev.  

"Assalomu alaykum, aziz yurtdoshlar! Insha Alloh, yangi g'alabalar uchun yo'l oldik. Duo qilib turinglar, vatandoshlar!",- deya surat ostida izoh qoldirgan charm qo'lqop ustamiz. 

Eslatib o'tamiz, Murodjon shu yilning 26 iyun kuni AQSHning Texas shtatida professional ringdagi 11-jangini o'tkazgandi. O'shanda u singan qo'li bilan amerikalik Ronni Riosni so'nggi 12-raund yakunlanishiga bir necha soniya qolgan bir paytda texnik nokaut evaziga mag'lubiyatga uchratgan edi.