Murodjon Ahmadaliev - Marlon Tapales jangi uchun promouterlik savdosi boshqa sanaga ko'chirildi

Bokschilar o'rtasidagi jangni tashkil etish uchun promouterlik savdosi 20 dekabr kuni IBF'ning Nyu-Jersidagi shtab-kvartirasida tashkil etilishi haqida malum qilgan edik. 

Ammo tashkilot hamyurtimizning majburiy himoya jangi uchun promouterlik savdosini ikkala tomon iltimosiga binoan 3 yanvar sanasiga ko'chirgani oydinlashdi.

Eslatib o'tamiz, Ahmadaliev iyun oyida amerikalik Ronni Riosni mag'lubiyatga uchratib, o'ziga tegishli WBA va IBF kamarlarini himoya qilgandi. Avvalroq, Ahmadaliev AQSHga jo'nab ketgani haqida xabar qilgandik.