Murodjon Ahmadaliev navbatdagi jangi qachon bo'lishini aytdi

Olamsport.com sayti muxbiri bokschimizni suhbatga tortib, bir nechta savollarga javob oldi. 

"Qo'limdan olgan jarohatim hozir ancha yaxshi. Xudo xohlasa, asta-sekin mashg'ulotlarni boshlab, keyingi jangga tayyorgarlikni boshlayman. Amerikaga dekabr oyining o'rtasi yoki oxirida ketish niyatim bor. Navbatdagi jangimning aniq sanasini hozir ayta olmayman. Lekin, jang bahorda bo'lib o'tadi. 

"Lift Promotion" ikkinchi marta "Xumo Arena"da juda katta boks oqshomini o'tkazyapti. Kechada shouga boy qiziqarli janglar bo'lib o'tyapti",-dedi Ahmadaliev. 

SHuningdek, bokschimiz saytimizga katta intervyu berishini ham aytib o'tdi. Murodjon Ahmadalievni tez orada Olamsport.com studiyasida kutib qolamiz.