12 iyu 10:12
Yangiliklar

Boks/MMA

Murodjon Ahmadalievning yaponiyalik raqibiga qarshi jangi qachon o'tkaziladi?

Birinchi yarimengil vazn toifasida sobiq jahon chempioni Murodjon Ahmadalievning navbatdagi jangi haqida malumot berildi.

Avvalroq, hamyurtimizga yaponiyalik Tomoki Kameda raqiblik qilishi haqida xabar bergan edik. Jang WBA chempionlik kamari uchun yakuniy eliminator maqomida o'tishi belgilangan.

Murodjonning promouteri Eddi Xirnning malum qilishicha, Murodjon Ahmadaliev hamda Tomoki Kameda o'rtasidagi jang sentyabr oyida o'tkazilishi rejalashtirilmoqda.

Ayni paytda Murodjon navbatdagi jangiga Yangiobod o'quv-mashg'ulot bazasida tayyorgarlik olib bormoqda. U o'zining WBA va IBF chempionlik kamarlarini filippinlik Marlon Tapalesga boy bergan edi.