Mutua Madrid Open. Dunyoning 4-raketkasi 105-raketkaga yutqazdi

Dunyoning to'rtinchi raketkasi Kasper Ruud ikkinchi davra uchrashuvida reytingning 105-pog'onasida borayotgan italiyalik Matteo Arnaldiga 3/6, 4/6 hisoblarida imkoniyatni boy berib, musobaqadagi ishtirokini erta yakunladi. 

Bu tennischilarning o'zaro o'tkazgan ilk uchrashuvi edi. To'qson besh daqiqa davom etgan bahsda Ruud 4, Arnaldi 6 ta eys zarbasini amalga oshirdi. Arnaldi faoliyatida ilk bor Top-50 reytingidagi tennischini mag'lub etdi. Endi u Mutua Madrid Open turnirining uchinchi davrasida ispaniyalik Xaume Munyarga qarshi kortga chiqadi.