Nahotki? Etti yil avvalgi urinish nihoyat amalga oshdi - Tuxugov Lobovga qarshi jang o'tkazadi

Ushbu jangni amalga oshirish uchun ilk urinish 2018 yilda bo'lgandi. Aniqrog'i, 2018 yilning oktyabr oyida Kanadada tashkil etilgan turnirda ularning o'zaro jangi bo'lishi kerak edi. O'shanda Zubayra ham, Artyom ham UFC ligasida o'z janglarini o'tkazardi. Xabib Nurmagomedov va Konor Makgregor jamoalari o'rtasidagi o'sha mashhur bo'lib ketgan dahanaki jang sabab Tuxugov - Lobanov jangi bekor qilingan edi.  

Oradan etti yil o'tib, jangchilar PFL banneri ostidagi turnirda o'zaro oktagonda to'qnash keladigan bo'lishdi. "Jangchi" va "Rus bolg'asi" o'rtasidagi jang 3 oktyabr kuni Dubay shahrida tashkil etiladigan PFL turniri doirasida oraliq vazn (75 kg) toifasida o'tkaziladi. 

2018 yilda UFC`dan haydalgan 38 yoshli Artyom Lobov BKFC, yani qo'lqopsiz janglarda o'z omadini sinab ko'rdi. Jeyson Nayt va Pol Malinyajini ochkolar hisobiga ko'ra taslim etgan Artyom keyin revansh jangida o'sha Naytga nokaut bilan yutqazib qo'ydi. 2022 yilda Lobov ukrainalik bokschi Denis Berinchikka qarshi kechgan Kievdagi Mahatch FC turniridagi jangdan keyin professional faoliyatini yakunlagani elon qilgandi. 

34 yoshli Zubayra Tuxugov esa so'nggi bor 2023 yilning fevral oyida jang o'tkazgandi. O'shanda u Avstraliyaning Pert shahri mezbonlik qilgan UFC 284 turnirida Elvis Brenerga hakamlarning ayri qarori bilan yutqazib qo'ygan va o'shandan keyin dunyoning eng kuchli Ligasini tark etgandi.