02 jan 11:14
Yangiliklar

Tennis

Naomi Osaka "dekret"dan qaytdi

Onalik baxtiga muyassar bo'lgan yaponiyalik tennischi faoliyatini qayta tikladi.

Ayni paytda dunyoning 661-raketkasi bo'lib turgan Naomi Osaka Avstraliyaning Brisben shahrida o'tkazilayotgan turnirdagi ishtirokini g'alaba bilan boshladi. U ilk davrada WTA reytingida 84-pog'onadan joy olgan germaniyalik Tamara Korpachdan 6/3, 7/6(9) hisobida ustun keldi.

Bu tennischilarning o'zaro o'tkazgan ilk uchrashuvi edi. Davomiylishi 1 soatu 50 daqiqalik bahsda Osaka 5 ta eys, 1 ta qo'shxato va 4 ta breyk qayd etdi. Endi Osaka ikkinchi bosqichda chexiyalik Karolina Plishkovaga qarshi kortga chiqadi.