24 may 11:09
Yangiliklar

Dzyudo

Navbat jahon chempionatining jamoaviy bahslariga. Ilk raqib - Braziliya!

Bugun BAA poytaxti Abu-Dabi shahri mezbonlik qilayotgan kattalar o'rtasidagi jahon chempionatining jamoaviy bahslari bo'lib o'tadi.

Dunyoning 13 ta kuchli terma jamoasi 4 ta guruhda bellashuvlarni boshlaydi. O'zbekiston terma jamoasi ilk bosqichda Braziliyaga qarshi bahs olib boradi. Ushbu juftlik g'olibi keyingi davrada Koreya Respublikasi - Avstriya uchrashuvida zafar quchgan terma jamoaga qarshi tatamiga chiqadi.

Dzyudo vatani - Yaponiya bilan 1/2 finalda to'qnash kelishimiz mumkin. Kunchiqar yurt vakillari to'g'ridan-to'g'ri 1/4 finaldan bahslarga qo'shilishadi. Ular Germaniya/Qozog'iston bahsi g'olibini kutib turishibdi.