Nigora Tursunqulova va Dmitriy SHokin Turkiyadagi musobaqada oltin medalni qo'lga kiritdi

Kecha Nikita Rafalovich -74 kg vazn toifasida finalgacha etib borib, kumush medal sohibiga aylangandi. Bugun o'tkazilgan bahslarda esa vakillarimiz bizga medallar shodasini taqdim etdilar. 

Erkaklar o'rtasida Dmitriy shokin barcha raqiblarini mag'lubiyatga uchratib, musobaqa g'olibiga aylandi. +87kg vazn toifasida janglarda ishtirok etgan SHokin avvaliga germaniyalik CHem Unlusoyni, chorak finalda mezbon sportchi Okay Duztepeni, yarim finalda Makedoniya vakili Deyan Gergevskini, hal qiluvchi final jangida esa Verdan Golecni mag'lubiyatga uchratib, musobaqa g'olibiga aylandi.

Qizlar o'rtasida -67 kg vazn toifasida yurtimiz sharafini himoya qilgan Nigora Tursunqulova ilk jangida franciyalik Liza Berneybni, keyin esa Turkiya terma jamoasi sportchisi Xacher Orgarunni, yarim finalda rossiyalik Yuliya Miyuc, hal qiluvchi jangda boshqa bir mezbon taekvondochi Mervenur Evchini mag'lubiyatga uchratdi. 

-53 kg vaznli hamyurtimiz Dinora Mamadibragimova avvaliga rossiyalik Anastasiya Puchkoni, ikkinchi jangida boshqa bir rossiyalik Diana Caraeva, chorak finalda mezbon sportchi Zehra Dosuchukurdan ustun keldi. Yarim finalda esa xorvatiyalik Dora Marichga imkoniyatni boy bergan Dinora yakunda Turkiyadan bronza medali bilan qaytadigan bo'ldi.

SHu tariqa, taekvondochilarimiz "Turkish Open" musobaqasida umumiy hisobda 2ta oltin, 1ta kumush va 1ta bronza medalini qo'lga kiritdi.