05 iyu 13:44
Yangiliklar

Boks/MMA

Nodirjon Mirzahmedov Toshkentdagi boks oqshomida tezkor g'alabaga erishdi

Kecha, 4 iyul kuni poytaxtimizdagi "Jar" sport majmuasida professional boks oqshomi tashkil etildi.

"AAA Promouter" tomonidan tashkil etilgan boks kechasining markaziy jangida tajribali bokschimiz Nodirjon Mirzahmedov qirg'izistonlik SHakarbek Mamat uuluga qarshi ringga ko'tarildi.

To'rt raundga mo'ljallangan jang 1-raunddayoq yakunlandi. Unda bokschimiz texnik nokaut evaziga g'alabaga erishdi.

Bu Mirzahmedov uchun prof boksdagi ikkinchi jang bo'ldi. Bungacha u 2025 yil avgust oyida qozog'istonlik Assan Kalmakanov bilan jangda g'alaba qozongandi.