01 iyu 11:26
Yangiliklar

Kurash

Nukusda belbog'li kurash bo'yicha jahon va Osiyo chempionati o'tkazildi

28-31 may kunlari Nukus shahridagi 1-sonli sport maktabi manejida belbog'li kurash bo'yicha O'zbekiston Respublikasi Prezidenti sovrini uchun o'smirlar va qizlar o'rtasida jahon hamda Osiyo chempionati bo'lib o'tdi.

CHempionat dasturiga ko'ra, 29 may kuni belbog'li kurash bo'yicha jahon chempionati bahslari o'tkazilgan bo'lsa, 30 may kuni belbog'li kurash bo'yicha Osiyo chempionati tashkil etildi. Qita chempionatida ham jahon chempionatidagi kabi yigirmaga yaqin davlatdan 300 nafarga yaqin sportchilar g'oliblik uchun kurash olib borishdi.

CHempionat doirasida Osiyo belbog'li kurash konfedraciyasi tomonidan Kongress o'tkazildi. Unda konfederaciya tomonidan amalga oshirilgan ishlar hisoboti tinglandi. Kongressda konfederaciya azolari tomonidan Osiyo belbog'li kurash konfedraciyasi bosh kotibligiga nomozodlar ko'rib chiqildi. Barcha azolar bir ovozdan Sardor Dastirov nomzodini bosh kotiblikka tasdiqladi.

Belbog'li kurashning klassik yo'nalishi bo'yicha o'tkazilgan Osiyo chempionatida o'g'il bolalar 10 ta vazn toifasida bellashishgan bo'lsa, qizlar 7 ta vaznda g'oliblik uchun bor mahoratlarini namoyish etishdi.

Osiyo chempionati g'olib va sovrindorlari:

45 kg. Isabek Beysinbaev (O'zbekiston)

50 kg. Otabek SHavkatov (O'zbekiston)

55 kg. Temurbek Nematullaev (O'zbekiston)

60 kg. Xumoyunmirzo Biloliddinov (O'zbekiston)

65 kg. Ahliddin Mamatkarimov (O'zbekiston)

71 kg. Nurbek Musinboev (O'zbekiston)

77 kg. Islombek Ziyotboev (O'zbekiston)

85 kg. Selim Annanazarov (Turkmaniston)

95 kg. Abbas Rakxat (Qozog'iston)

+95 kg SHohjahon Rahmatov (O'zbekiston).

Qizlar:

44 kg. Risolatxon Olimova (O'zbekiston)

48 kg. Zilolajon Qudratova (O'zbekiston)

52 kg. Gulnur Amanbaeva (O'zbekiston)

57 kg. Nazmi Mundisbaeva (Qirg'iz Respublikasi)

63 kg. Aneliya Turdiboeva (Qirg'iz Respublikasi)

70 kg. Sanet Talabekova (Qirg'iz Respublikasi)

+70 kg Rayhonaxon Mamatkarimova (O'zbekiston)

Osiyo chempionati bellashuvlari yakuniga etgach, barcha g'olib va sovrindorlar munosib taqdirlandi. Tantanali taqdirlash marosimida Osiyo belbog'li kurash konfederaciyasi prezidenti Mo'min Muratov hamda O'zbekiston belbog'li kurash federaciyasi raisi Ravshan Dastirov ishtirok etdi.