NUR-HAS karate markazi tarbiyalanuvchilari AQSH, Yaponiya va Mo'g'ulistondagi musobaqalarda ishtirok etadi

Jumladan, Mutal Nazarovning o'zi AQSHning Las-Vegas shahrida o'tkaziladigan 5 th American Full Contact Karate championship musobaqasida yurtimiz sharafini himoya qiladi. SHu musobaqa yakunlanganidan keyin bir hafta davomida Amerika Qo'shma SHtatlari karatechilari bilan hamkorlikda qo'shma seminarlar o'tkaziladi. 

NUR-HAS karate markazi tarbiyalanuvchilari esa 27-28 sentyabr kunlari Mo'g'uliston poytaxti Ulan-Bator shahri mezbonlik qiladigan fullkontakt karate bo'yicha Markaziy Osiyo Ochiq chempionatiga tayyorgarlik ko'rishmoqda. 

Kuni kecha Namangan viloyatining Kosonsoy shahrida ushbu musobaqada qatnashadigan sportchilarni aniqlash maqsadida saralash turniri tashkil etildi. Namangan viloyati bosh murabbiyi SHamsiddin Eshonov shu musobaqa oldidan qora belbog' 1-DAN sohibi bo'lgani malum bo'ldi. Unga maxsus sertifikat va qora belbog' Yaponiyaning Tokio shahridan keladi. 

Keyingi manzil oktyabr oyida aynan Tokio shahrida tashkil etiladigan 56-Yaponiya Ochiq chempionati! NUR-HAS karate markazining asosiy maqsadi yoshlar kelajagini sport yutuqlari orqali namoyish etish va Vatanimiz shanini xalqaro musobaqalarda munosib himoya kilishdan iborat.