"NUR-HAS KARATE" markazi tarbiyalanuvchilari Tarazdan medallar shodasi bilan qaytishdi

O'z tarixida beshinchi bor tashkil etilgan Taraz shahri Ochiq chempionatida "NUR-HAS KARATE" markazi tarbiyalanuvchilari yurtimiz sport sharafini himoya qilishdi. Musobaqada 20 ta jamoadan 300 nafardan ziyod karatechilar medallar uchun bahs olib borishdi. 

5 th International Open Taraz Championship yakunlariga ko'ra, Muhammad Ali Nazarov (13-14 yosh, -50 kg) oltin va kumush, Umarjon Umidjonov (8-9 yosh, -30 kg) va Jahongir Nozimxonov (10-11 yosh, -40 kg) bronza medalini qo'lga kiritdi. 

Tantanali taqdirlash marosimidan so'ng xalqaro turnir tashkilotchilari "NUR-HAS KARATE" markazi jamoasiga mukofot tariqasi 50 000 tenge topshirishdi. Ammo Mutal Nazarov bu pullarni suv toshqinidan aziyat chekayotgan qardosh qozog'istonliklarga taqdim etdi. 

Malumot uchun, 27-28 aprel kunlari qadim va hamisha navqiron Samarqand shahrida shinkiokushinkay karate (fullkontakt karate) bo'yicha beshinchi xalqaro Amir Temur Kubogi bo'lib o'tadi. Unda o'nga yaqin davlatdan sportchilarning ishtirok etishi kutilmoqda.