Nurbek Xoshimbekovni tabriklaymiz!

Nurbek Xoshimbekov 1988 yil 26 iyul kuni Andijon shahrida dunyoga kelgan. Yunon-rim kurashi sir-asrorlarini birinchi murabbiyi Bahodir Dadaxajaev qo'l ostida o'rgangan. Andijon olimpiya zaxiralari kollejida taxsil olgan. U erda Xoshimjon Abdurahmonov qo'l ostida mashg'ulot o'tkazgan. 

Kattalar o'rtasidagi Osiyo chempionatining kumush medali sohibi, ko'plab nufuzli Xalqaro turnirlar, Gran-pri musobaqalarida g'olib va sovrindor bo'lgan. Jahon chempionatida kuchli beshlikka kirgan. Sport ustasi Nurbek Xoshimbekov hozirda murabbiylar Ravshan Ro'ziqulov, Rustam Qudratov, Fazliddin Mo'minov qo'l ostida musobaqalarga tayyorgarlik ko'rmoqda.

Fursatdan foydalanib, saytimiz o'quvchilari, O'zbekiston sport kurashlari associaciyasi rahbariyati, murabbiylar shtabi va kurashchilar nomidan Nurbek Xoshimbekovni bugungi tavallud ayyomi bilan muborakbod etamiz. Unga sog'liq-salomatlik, xotirjamlik, oilaviy baxt tilaymiz. Gilamda qo'ling hamisha baland ko'tarilsin, Nurbek!