Nurmagomedov UFCga shart qo'ydi, u shartnomani bekor qilmoqchi

Rossiyalik jahon chempioni UFCning jamoadoshi Zubayra Tuxugovga nisbatan qo'llagan jazosidan norozi ekanligini aytgan.

“Men UFCga murojaat qilmoqchiman. Nima uchun sizlar bizning avtobusga Konor va uning odamlari hujum qilganda sukut saqladinglar? Vaholanki, o'shanda ular ikki kishiga jiddiy tarzda jarohat etkazishgandi. Ular o'ldirib qo'yishlari ham mumkin edi. 

Keyin Vatanim, oilam, yaqinlarimga nisbatan aytilgan haqoratlar, dinimga nisbatan qilingan hurmatsizlikka UFCdagilar indamay qarab turishdi-ku! Endi aytingchi, nima uchun ikkala jamoa urishga kirishgan bir paytda faqat mening jamoam jazolanishi kerak? Qani bu erda adolat? Agar kimnidir jazolash kerak bo'lsa, meni jazolanglar. Bu erda Zubayra Tuxugovning qanday aybi bor?

Zubayraning jangini bekor qilib, uni UFCdan xaydamoqchi bo'lyapsizlar. Agar siz Xabib indamay, barcha shartlarimizga ko'nadi, deb o'ylayotgan bo'lsangiz, qattiq adashasiz. Zubayra Konor mening og'amni urganidan keyin unga zarba berdi. Buni video takrorlar orqali ko'rib olishingiz mumkin. 

Bilasizmi, sizlar Xabibni butunlay yo'qotasiz. Men shartnomani bir tomonlama bekor qilaman va boshqa UFCda jang qilmayman. Bizda rossiyaliklar o'z yaqinlarini tashlab qo'yishmaydi”, - deya o'z Instagram sahifasida xabar qoldirgan Nurmagomedov.