04 okt 14:40
Yangiliklar
![](/upload/storage/46203_220.jpg)
Nurmagomedov vs Makregor. Kimda imkoniyat yuqori? (so'rovning davomi)
Bu borada butunjahon ommaviy axborot vositalarida juda ko'plab maqolalar, shov-shuvli xabarlar chop etilmoqda. Barchasida bitta savol: ushbu jangda kim g'olib bo'ladi, hozirgi kunda kim kuchliroq?
Darhaqqiqat, bu jangning g'olibini avvaldan bashorat qilish juda ham qiyin yoxud kim kuchli ekanligi borasida fikr bildirish! Biz yurtimizdagi ko'zga ko'ringan sport jurnalistlari, sportchi va murabbiylar, sanat ahli vakillarining fikr va mulohazalarini etiboringizga havola etishni davom ettiramiz.
Sunnat Ilyasov - murabbiy, MMA bo'yicha sobiq chempion
- Xabib g'alaba qozona oladi, deb o'ylayman. Sababi, u hali kuchli nokautlarga uchramagan. Yani, zarba ko'tara oladi. Odatda, kurashchilar zarbaga chidamli bo'ladi. CHunki, oyoq va bo'yinga ishlov yaxshi beriladi. SHuning uchun ham tananing ushbu qismlari baquvvat bo'ladi.Xabib odatdagi uslubini qo'llay olsa, Konorni osongina mag'lub eta oladi. To'g'ri, irlandiyalik sportchi ham anoyilardan emas. Zarba kuchi, oyoq-qo'l texnikasi yaxshi shakllangan. Lekin imkoniyat baribir Nurmagommedovda yuqoriroq.
Zufar Sulaymonov - “Oqtepa” professional boks klubi murabbiyi
- Ikki kuchli raqibning o'zaro to'qnashuvi. Har ikkisi ham o'z sport turida katta muvaffaqiyatlarga erisha oldi. Lekin men Konorni ko'proq “SHoumen” sifatida bilaman. Xabib yaqqol ustunlik bilan g'alaba qozonadi. CHunki, dog'istonlik sportchi doimo, o'z ishi bilan mashg'ul bo'ladi. Konor Makregor esa, “piar”, reklamalar va boshqa noodatiy hatti-harakatlari bilan ovora bo'lib yurdi. Boksda sinab ko'rdi o'zini, maishatga berildi. Har xolda, ommaviy axborot vositalari orqali ushbu xolatlardan xabardor bo'lganim uchun mazkur fikrni bildirmoqdaman. Xabib omad yor bo'lsin!
Davron Fayziev – jurnalist
- Bilasizmi, bu jang borasida biror aniq fikr bildirish amrimahol.CHunki, har ikkisining ham o'ziga xos kuchli tomonlari bor. Aslida, bu vazn toifasidagi eng kuchli deya Toni Fergyussonni aytgan bo'lardim. Albatta, bu shaxsiy fikrim. SHunday bo'lsada, Xabibga eng noqulay raqib aynan Konor Makgregor, deb o'ylayman. Jangda kim g'alaba qozonadi bilmadim-ku, lekin men Xabib Nurmagomedovga muxlislik qilaman.
Ahmadjon ESHMATOV yozib oldi, o'z muxbirimiz
Fikrlar