Nurmagomedovning tezkor nokauti bilan yakunlangan PFL turnirining barcha natijalari

Oqshomning markaziy jangi birinchi raundning to'rtinchi daqiqasidayoq yakunlandi. Nurmagomedov raqibini oyoq bilan bosh qismiga yo'llagan zarbasi orqali sarosimaga solib qo'ydi, so'ngra apperkot bilan uni ikkinchi bor nokdaun holatiga tushirdi va hakam Kit Piterson 3-daqiqa 42-soniyada jangni to'xtatgunga qadar raqibini taslim etdi.

Amerikalik raqibini mag'lub etgan rossiyalik jangchi tashkilot bilan tuzilgan amaldagi shartnomasi bo'yicha so'nggi jangini o'tkazdi. Birlashgan liga rahbari Jeyk Pol oktagonga chiqib, Nurmagomedov bilan hamkorlikni davom ettirishdan manfaatdor ekanliklarini malum qildi.

Turnirning ikkinchi asosiy jangida mag'lubiyatsiz kelayotgan britaniyalik Dakota Ditcheva navbatdagi g'alabasini qo'lga kiritdi. U uch raund yakuniga ko'ra, hakamlarning bir ovozdan qabul qilgan qarori bilan niderlandiyalik Denis Kilxoltsdan ustun keldi.

Oqshomning uchinchi muhim jangida mag'lubiyatsiz rossiyalik engil vaznli jangchi Amru Magomedov tashkilot bayrog'i ostida ikkinchi g'alabasini tantana qildi. U ikkinchi raundda kubalik Anxel Alvaresni texnik nokaut evaziga mag'lub etdi.

Boshqa natijalar qatorida rossiyalik Tatyana Postarnakovaning muvaffaqiyatli chiqishini takidlash joiz: u hakamlarning ayri qarori bilan amerikalik Montana De La Rosani mag'lubiyatga uchratdi.

PFL turnirining barcha natijalari:

Asosiy kard janglari

Usman Nurmagomedov Archi Kolganni nokautga (zarbalar) uchratdi – 1-raund, 3:42.

Dakota Ditcheva raqibasi Deniz Kilxolcni hakamlarning yakdil qarori bilan (30-27, 30-27, 30-27) mag'lub etdi.

Amru Magomedov Anxel Alvaresni texnik nokautga (zarbalar) – 2-raund, 4:28.

Mustafa Diaxate Derril Uokerni texnik nokaut (zarbalar) evaziga yutdi – 1-raund, 2:35.

Prelim kard janglari

Lazaro Dayron Raufon Stotsni hakamlarning ayri qarori bilan engdi (28-29, 29-28, 29-28).

SHon Gauchi Allan Begossoni hakamlarning yakdil qarori bilan mag'lubiyatga uchratdi (30-27, 30-27, 30-27).

Omar El Dafravi Jonatan Pirsmni hakamlarning yakdil qarori bilan mag'lub etdi (29-28, 30-27, 30-27).

Tatyana Postarnakova raqibasi Montana De La Rosadan ochkolar hisobi bo'yicha ustun keldi (28-29, 29-28, 29-28).

Levan Xabalaev CHemi Delva texnik nokautga (tizzada tana qismiga zarba) uchratdi – 1-raund, 1:44.