20 okt 11:22
Yangiliklar
Boks/MMA
Nursulton Ro'ziboev bilan jangi bekor bo'lgan Rinat Faxretdinovga yangi raqib berildi
Jangiga bir hafta qolganida rossiyalik yarimo'rta vazn toifasi vakili Rinat Faxretdinovga UFC bosslari yangi raqib berishdi.
Xabaringiz bor, aslida "Gladiator" 26 oktyabr kuni BAA poytaxti Abu-Dabi shahrida o'tkaziladigan UFC 308 turnirida hamyurtimiz Nursulton Ro'ziboevga qarshi oktagonga chiqishi kerak edi. Lekin Ro'ziboevning jarohati sabab ushbu jang bekor bo'lgandi.
Endi Rinat Faxretdinov UFC 308 turnirida braziliyalik Karlos Leal Mirandaga qarshi oktagonga ko'tariladi. Bu Karlos uchun UFC promoushenidagi debyut jang bo'ladi. Faxretdinov MMAda 22 g'alaba, 1 durang va 1 mag'lubiyatga ega bo'lib turibdi. Yagona mag'lubiyatini 2013 yilning iyun oyida qabul qilib olgandi. U so'nggi jangini shu yilning iyun oyida Nikolas Dalbiga qarshi o'tkazib, hakamlarning ayri qarori bilan g'alaba qozongandi.
Havola :
Manba : championat.com
Fikrlar