Nursulton Ro'ziboev UFCdagi debyut oldidan: "G'alaba qozonsam, yana jang so'rayman"

- Bu kunni uzoq kutdim. Tayyorgarligim yaxshi. Nasib qilsa, jangda yaxshi harakat qilib, chiroyli g'alabaga harakat qilamiz. 

- Faoliyatingda 40 dan ortiq professional jang bor. Hayolingda balki UFCga etib bora olmasamchi, degan fikrlar o'tganmi? 

- Avvaldanoq buni niyat qilib kelganman. Doimo bunga erishaman deb harakat qilganman. Lekin bo'lmaydi degan hayol ham o'tgan. Mana Xudoga shukr, bu amalga oshadigan bo'lyapti. 

- Faoliyating qiziqarli. So'nggi 8 ta janging mag'lubiyatsiz bo'lgan. G'alabalaringni siri nimada? 

- So'nggi marotaba 2019 yilda yutqazgandim. Keyin esa tayyorgarlikni kuchaytirib, oldingidek tavakkal qilib chiqardim. Oldin ko'p zaxira jangchisi sifatida chiqardim, o'shanda mag'lubiyatlar bo'lgan. 

- Sen yiliga 12-13 ta janglar o'tkazgan davrlar bo'lgan. Tushunarliki, UFCda bunday bo'lmaydi. Bu sen uchun yaxshimi yoki sen tez-tez janglar qilishni istaysanmi? 

- InshaAllah bu jangni yutsam, yana jang so'rayman. Tez-tez jang qilishga harakat qilaman.

- Ko'pchilik seni ilk bor oktagonda ko'rishadi. Sendan nimalarni kutishlari mumkin bo'ladi? 

- Jangim asosiy kardga qo'yilibdi. SHunga munosib ravishda jang o'tkazishga harakat qilaman.