29 iyu 13:52
Yangiliklar

Boks/MMA

Octagon 48 turnirida jang qiladigan yana bir hamyurtimiz malum bo'ldi

18 avgust kuni Ozarbayjon poytaxti Boku shahridagi Baku Sports Hall majmuasida MMA bo'yicha Octagon 48 turniri bo'lib o'tadi.

Avvalroq, ushbu turnirda engil vazn toifasida Octagon ligasining vaqtinchalik chempioni, o'zbekistonlik Doston Bozorov (8-1) braziliyalik Tiago Silvaga (24-13) qarshi jang qilishi haqida xabar bergan edik.

Malum bo'lishicha, yana bir hamyurtimiz - o'rta vazndagi Islom Boltaev (3-2) ham aynan mazkur oqshomda oktagonga ko'tariladi. Unga kim raqiblik qilishi hozircha aniq emas.

Eslatib o'tamiz, Islom Boltaev so'nggi jangini 4 mart kuni Toshkentda o'tkazilgan Octagon 42 turniri doirasida Gunduz Nabievga qarshi o'tkazib, g'alaba qozongan edi.