17 okt 08:25
Yangiliklar

Boks/MMA

Odiljon Aslonovning prof boksdagi navbatdagi raqibi va jang sanasi malum bo'ldi

Ikkinchi o'rta vazn toifasidagi professional bokschimiz Odiljon Aslonovning (5-0-1) navbatdagi jangi tafsilotlari malum qilindi.

Unga ko'ra, hamyurtimiz 11 noyabr kuni Rossiyaning Ekaterinburg shahrida tashkil etiladigan RCC Boxing professional boks oqshomida ringga ko'tariladi. Aslonovga shu kuni rossiyalik Rafi Xchoyan (2-1-1) raqiblik qiladi. Jang 8 raund etib belgilangan.

Eslatib o'tish joiz, Odiljon so'nggi jangini shu yilning 8 sentyabr kuni Erik Katompaga qarshi o'tkazib, ochkolar hisobiga ko'ra g'alaba qozongan edi. 26 yoshli Rafi Xchoyan esa so'nggi bor 17 avgust kuni Ilya Ochkin bilan jang qilib, g'alaba qozongandi.