OFK xulosasi: O'zbekiston JCHda qanday o'ynadi?

Malumki, tarixda birinchi bor Osiyodan 9 jamoa mundialda ishtirok etdi. O'zbekiston terma jamoasi o'z tarixida ilk bor Jahon chempionatida o'ynab katta tajriba to'pladi.

O'zbekiston guruhdagi dastlabki uchrashuvni Kolumbiyaga qarshi o'tkazib, 1:3 hisobida imkoniyatni boy berdi. Bu o'yinda Kolumbiya osonlik bilan g'alaba qozondi deb bo'lmaydi. O'zbekiston jiddiy qarshilik ko'rsata oldi, biroq mahorat o'z so'zini aytib, Janubiy Amerika vakiliga omad kulib boqdi. Mana shu o'yinda gol urgan Abbosbek Fayzullaev O'zbekistonning jahon chempionatida gol urgan dastlabki futbolchisi bo'ldi.

O'zbekiston keyingi bahsni musobaqa favoritlaridan biri Portugaliga qarshi o'tkazib, yirik 0:5 hisobida mag'lub bo'ldi. Bu uchrashuvda Krishtianu Ronaldu ikki bor to'p kiritdi. Ketma-ket ikkita mag'lubiyat O'zbekiston uchun vaziyatni ancha og'irlashtirib qo'ydi. Guruhdan chiqish uchun nazariy jihatdan imkon bor edi, faqat buning uchun uchinchi turda Kongoni mag'lub etish kerak bo'lardi.

Oxirgi uchrashuv O'zbekiston uchun chiroyli boshlandi, 10-daqiqadayoq Eldor SHomurodov chiroyli zarbasi bilan hisobni ochdi. Hammasi Osiyo jamoasi uchun yaxshi yakun topishi mumkin edi, biroq tajriba kamligi pand berib Kongo 3:1 hisobida o'yinni o'z foydasiga hal etdi.

Uchta mag'lubiyatga qaramay terma jamoa ustozi Fabio Kannavaro musobaqa O'zbekiston terma jamoasi uchun tajriba vazifasini o'tagani hamda muxlislar terma jamoaning Jahon chempionatidagi ishtirokidan xursand ekanliklarini aytib o'tdi. O'zbekiston rivojlanish davrini boshdan kechirmoqda, salbiy natijalarga qaramay terma jamoadan progress kutsa bo'ladi.

Endilikda O'zbekiston bor etiborini yanvarda bo'ladigan Osiyo Kubogi 2027 musobaqasiga qaratadi. Ushbu turnirda O'zbekiston terma jamoasi "B" guruhida Bahrayn, KXDR va Iordaniya bilan bahs olib boradi.