Oksana CHusovitina jahon Kubogining final bosqichiga chiqdi

To'rtta bosqichdan iborat jahon Kubogining ikkinchi bosqichida jahon va Olimpiada chempionlari Parij Olimpiadasi uchun beriladigan qimmatli ochkolar uchun kurashishyapti. Jami 300 nafarga yaqin gimnastlar qatorida O'zbekiston terma jamoasi azolari ham medallar uchun bahs olib borishyapti. 

Quvonarlisi, o'zining to'qqizinchi Olimpiadasi uchun harakat qilayotgan afsonaviy Oksana CHusovitina o'zining sevimli tayanib sakrash bahslarida final yo'llanmasini qo'lga kiritdi. Medallar uchun final bahslari ertaga o'tkaziladi. 

Bugun hamyurtlarimizdan Rasuljon Abdurahimov, Dildora Aripova, Odina Robijonova, Abdulaziz Mirvaliev va Humoyun Islomov o'z chiqishlarini amalga oshirishadi. Qohiradagi jahon Kubogi bosqichida Abdurahimov brus bahslarida oltinchi o'rinni egallagandi.