Oksana CHusovitina uchun esdalik sovg'asi

O'zbekiston Respublikasi Jismoniy tarbiya va sport davlat qo'mitasida bo'lib o'tgan marosimda qo'mita raisi Rustam Qurbonovning shahsan o'zi ushbu maxsus tayyorlangan kitobni Oksana CHusovitinaga topshirdi.

Takidlab o'tish lozimki, bunday esdalik kitoblari Prezidentimiz SHavkat Mirziyoev tomonidan mukofot olgan yurtdoshlarimiz uchun sovg'a qilinmoqda.
"Sizlarsiz mana shunday mukofot sohibiga aylana olmasdim.
Bu juda yoqimli. Ilk marotaba mana shunday ajoyib kitob nashrdan chiqarilib, sovg'a qilinmoqda. Bu kitob menga esdalik bo'lib qoladi. Mana shunday ajoyib sovg'a uchun minnatdorchilik bildiraman.

Yangi yilda barcha-barchaga baxt tilab qolaman. 2018 yil hammamiz uchun omad olib kelsin", - dedi Oksana CHusovitina.

O'z o'rnida, biz ham sportchimizni mana shunday ajoyib sovg'a egasiga aylangani bilan tabriklaymiz. Kelajakda undan yanada ko'proq g'alabalar kutib qolamiz!