Olimjon Nazarov va yana uch bokschimiz taroziga chiqdi, bugun u Seuda WBO kamarini himoya qiladi + FOTO

Biz uchun ahamiyatlisi, bugungi boks kechasida charm qo'lqop ustalarimiz ham o'z janglarini o'tkazishadi. O'zbekiston, Yaponiya. Janubiy Koreya, Vetnam hamda Filippin bokschilari ishtirokida 8 ta jang bo'lib o'tadi.

Kechaning anderkardida ringga chiqadigan Olimjon Nazarov (30-25-5, 14 KO) WBO Oriental kamarini himoya qiladi. Uning raqibi filippinlik Maykl Mendoza (14-11-1-1, 4 KO) bo'ladi. Kecha bokschilar tarozidan o'tish marosimida hozir bo'lishdi va belgilangan vazn meyorini bajarishdi.   

Bokschilarimiz ishtirokidagi janglar:

8 raundlik jang

Ravshanbek SHermatov (7-1, 2 KO) – Dong-Xo Keum (6-3-2, 4 KO) (Janubiy Koreya) 

Abdulazizbek Najmiddinov (7, 6 KO) – Sung-Xyon Kim (4-2-2, 3 KO) (Janubiy Koreya)

10 raund

Abdurasul Ismoilov (9-1, 5 KO) – Moo-Xyun Kim (8-1, 3 KO) (Janubiy Koreya)

12 raund

Olimjon Nazarov (30-25-5, 14 KO) – Maykl Mendoza (14-11-1-1, 4 KO) (Filippin)

Boks kechasining markaziy to'qnashuvi ayollar o'rtasida bo'lib o'tadi. Unda kunchiqar yurt vakilasi Etsuko Tada (26-20-3-3, 7 KO) o'ziga tegishli WBO kamarini vetnamlik Txu Nxi Nguyandan himoya qiladi. Ushbu jang 10 raundga mo'ljallangan. Vetnamlik davogar bokschi bo'lajak jangga tayyorgarlikni Toshkentda o'tkazgan edi.