Olimpiada oldidan ilk rasmiy mashg'ulotini o'tkazgan Eybog start oldidan fikrlari bilan o'rtoqlashdi (FOTOGALEREYA)

U 14 fevral kuni 500 m masofaga kechadigan poyga saralashida startga chiqadi. Sportchimiz start oldidan rasmiy mashg'ulot o'tkazdi va O'zbekiston MOQ axborot xizmatiga kichik intervyu berdi.

"Biz tayyorgarlik uchun belgilangan kichik muz saroyida belgilangan mashg'ulotlarimizni yakunladik. Asosiy kompleksda figurali uchuvchilar bo'lgani uchun hozir kichik arenadamiz. Muzga moslashib olyapmiz. Muz har kuni o'zgaryapti. Muz bazan qattiq, bazan yumshoq. Konkilarni unga qarab, sozlab olyapmiz. Barcha kerakli sozlamalarni to'g'ri amalga oshirib olyapmiz. Musobaqada maksimal natijani ko'rsatish uchun barchasini qilyapmiz. Startda yaxshi natija qayd etish uchun hozir asosiy ishni bajaryapmiz. Bugun Vengriya va Belgiyadan kelgan yigitlar bilan shug'ullandim. Ular menga ajoyib sparring sherik bo'lishdi. Umuman olganda, barcha sportchilar hozirda musobaqa uchun yuqori tayyorgarlik olib boryapti", deydi Eybog.