Oltita matchboldan chiqib ketgan SHerif Xorvatiyada chempion bo'ldi

Hal qiluvchi final uchrashuvida dunyoning 54-raketkasi bo'lib turgan misrlik Mayar SHerif reytingda o'zidan bir pog'ona quyida borayotgan italiyalik Jasmin Paoliniga qarshi kortga chiqdi. 

Etiborlisi, 2 soatu 56 daqiqa davom etgan bahsda SHerif 6 ta matchboldan chiqib ketishga muvaffaq bo'ldi va yakunda 2/6, 7/6(6), 7/5 hisoblarida g'alaba qozondi. Bu tennischilarning o'zaro ilk uchrashuvi edi. 

SHerif 1, Paolini 2 ta eys zarbasini amalga oshirgan. Qo'shxatolar bir xil - 1 tadan bo'ldi. Myaar 5, Jasmin 6 ta breykka erishdi. Xorvatiyadagi muvaffaqiyatli ishtirok misrlik tennischiga 160 reyting ochko hamda 15,000 dollar mukofot puli keltirdi. 

U bugun elon qilingan reytingda Top-40`talikda debyut qiladi. Paolini esa 95 ochko va 8,500 dollar ishlab oldi. Jasmin ham reytingdagi shaxsiy rekordini yangiladi - 41-o'rin!