ONE FC'dagi uchinchi o'zbek: Nurmuhammad Adamhonov ertaga debyut jangini o'tkazadi

Ertaga Tailandning Bangkok shahrida One Championship promouterlik kompaniyasining muay-tayga asoslangan One Friday Fights 5 musobaqasi bo'lib o'tadi.

Etiborlisi, ushbu musobaqa doirasida o'zbekistonlik o'ta engil vaznli Nurmuhammad Adamhonov (0-1) ham jang qiladi. Hamyurtimizga filippinlik Fritc Biagman (4-1) raqiblik qiladi.

Musobaqa Toshkent vaqti bilan 17 fevral, yani ertaga 17:30 da boshlanadi va YouTube platformasidagi One Championship rasmiy kanali orqali translyaciya qilinadi.

Qayd etish joiz, Adamhonov ONE FC bilan shartnoma imzolagan uchinchi o'zbekistonlikka aylandi. Bungacha aralash yakkakurash ustasi Jasur Mirzamuhammedov va muay-taychi Mavlud Tifiev ushbu liga bilan hamkorlikni boshlagan edi.