28 iyu 06:59
Yangiliklar

Tennis

Ons Jaber Istburnda muvaffaqiyatli start oldi

Sayyoramizning oltinchi raketkasi Ons Jaber Buyuk Britaniyaning Istburn shahri mezbonlik qilayotgan maysa qoplamali WTA turniridagi ishtirokini boshladi.

Tunislik tennis malikasi ilk davrada WTA reytingida 42-o'rinni egallab turgan italiyalik Jasmin Paolinini 6/3, 6/2 hisoblarida mag'lubiyatga uchratdi. Tennischilarning o'zaro uchrashuvlaridagi hisob 2:0 ko'rinishiga keldi.

Oltmish bir daqiqa davom etgan bahsda Jaber 2 ta eys, 5 ta breykni amalga oshirib, 3 bor qo'shxatoga yo'l qo'ydi. Onsning Rothesay International turniri ikkinchi davrasidagi raqibasi italiyalik Kamila Jorji hamda britaniyalik Xizer Uotson uchrashuvida aniqlanadi.