Ons Jaber: "Taslim bo'lmayman!"

"Juda ko'p tanaffus olishga majbur bo'ldim. Biroq bu ham kamlik qildi. Monrealdagi turnirga tayyor emasdim, chunki "Uimbldon"dagi mag'lubiyat menga juda katta tasir o'tkazgandi. Vaqtimni oilam bilan o'tkazdim. Finalni yoddan chiqarishga urindim, biroq barchasi og'ir o'tdi.

Endi ishga qaytish va oldinga harakatlanish kerak. Buning uchun turnirlarda o'ynab, diqqat-etiborimni jamlab olishim lozim. Taslim bo'lmayman. O'zimga ishonaman va ishlashda davom etaman. Har bir uchrashuvimda 100 foiz kuchim bilan o'ynayman.

Rafael Nadal shunday degandi, hech qachon "agar, agar, agar" bo'lmaydi. SHu sababli agarda bunday qilganimda, deb o'ylanib o'tirmayman. Dunyoning eng zo'r tennischilaridan biri bo'lish imkoniyati bor edi. Afsuski, endi bunga yana vaqt kerak. Balki bu ham yaxshilikkadir. Kunlar o'tadi va o'zimning nimalarga qodirligimni namoyish etib boraman. Balki menga hali ertadir. Ammo to'g'ri yo'lda ekanligimga ishonaman", - dedi Ons Jaber.