OOK dasturi asosida dzyudo murabbiylari va hakamlari uchun seminar boshlandi FOTOREPORTAJ

SHu kunlarda poytaxtimiz Osiyo Olimpiya Kengashining (OOK) “Trener va hakamlar faoliyatini rivojlantirish” dasturi asosida sportning boks, dzyudo, suzish, og'ir atletika va sport kurashlari turlari bo'yicha o'quv kurslari bo'lib o'tmoqda. 

O'zbekiston Respublikasi Sportni rivojlantirish vazirligi hamda Milliy Olimpiya qo'mitasi bilan hamkorlikda tashkil etilayotgan mazkur tadbir OOKning qitada Olimpizm targ'ibotini yanada kuchaytirish, ilm-fan sohasida erishilgan yangi yutuqlar, joriy etilgan yangi qoidalar bilan barchani xabardor qilish kabi maqsadlarda yo'lga qo'yilgan. 

Xalqaro seminarda har bir davlatdan dasturdagi sport turlari bo'yicha 2 nafardan murabbiy va hakam qatnashib, ishtirokchilarning umumiy soni 280 nafarni tashkil etyapti.

Xususan, bugun kunning birinchi yarmida O'zbekiston dzyudo federaciyasi qoshidagi dzyudo zalida ana shunday amaliy seminarlarning biri boshlandi. Seminarga Armen Bagdasarov boshchilik qilyapti.     

Seminar bitiruvchilari OOKning maxsus sertifikatlari bilan taqdirlanadi. Birozdan so'ng, soat 15:00dan seminar o'z ishini davom ettiradi.